بوابتك نحو متعة التعلم
ابن جرير كتب:الأستاذ أحمد زعفان ....
عاهدنى على الصدق والإجابة المباشرة
اذا كنت تريد ان اعاهدك فالله احق ان اخشاه
1- أطلقت لحيتك مرة ...لماذا أطلقتها ؟ ولماذا تخليت عنها ؟
هما مرتين وليست مرة واحدة المرة الاولى كنت معتاد على اطلاقها فى رمضان من كل عام ولكن هذه المرة شعرت بحلاوتها وقررت ان لا احلقها مرة ثانية وجاءت الرياح بما لاتشتهى السفن فى هذه المرة حدثت احداث كثيرة من اهمها ان اوراق التعيين كانت فى امن الدوله للتحريات وكنت فى هذا الوقت على صلة ببعض الخوه
فى الله وحدثت لهم مشاكل كثيرة وذهبوا لامن الدوله فنصحنى احدهم بان اجلقها اولا لكى يمر موضوع التعيين بسلام والثانى حتى لا اتورط معهم وعدت من جديد واطلقتها ولكن هذه المرة لم اشعر فيها باننى على نفس الدرجة الايمانية التى كنت عليها من قبل
فقررت ان احلقها تاديبا لنفسى لاذوق المرار لانى اؤمن بمبدا ان ك لن تندم على الشيئ الا اذا اخذ منك
2- ما شعورك وأنت تكتب فى الدين وتحس على الفضيلة بيمينك وممسك بالسيجارة فى شمالك ؟
انظر اخى الحبيب الكل يقول ان التدخين ابتلاء من الله ولكنى لست معهم فانا وكل من يدخن قادر على الاقلاع عن التدخين ولكن بارادة من حديد وبعض المجهود وبخصوص موضوعك فانا اطرح موضوعات للعبرة والتذكير لعلنى اكون غافلا وافيق على احد هذه الموضوعات وشعورى طبعا يعج بالاسى والحزن
3- هل عندك شعور بالنقص تريد أن تستكمله من خلال إدارتك للمنتدى؟ وإلا بم تفسر لهجتك العسكرية فى الردود ؟
ليس عندى شعور بالنقص فانا كنت نائب لمدير احدى شركات التسوق عبر شاشة التليفزيون وتدرجت حتى وصلت لمدير الفترة المسائيةفانا اقود والحمد لله الجميع يشهد لى بالكفاءة
وانا لا استخدم ردود عسكرية اطلاقا الا اذا كان هناك نصح ولم يستجب العضو والحمد لله انا اخاف على شعور الجميع واى قرار يخرج من الادارة يكون بمشاورة مع مستر على رزق
4- من خلال عامين سابقين ما سبب قلة أصدقائك ؟
من ابلغك ذلك انا الحمد لله اعرف اصدقاء كثيرون
5- نوعية ثيابك وطريقة لبسك هل أنت راض عنها؟
بخصوص هذا الموضوع انا الى حد ما راض عنها وذلك لاسباب انى مازلت فى سن الشباب ولعلنى عندما اصل لسن معين التزم بلبس معين واعتقد ان طريقة لبسى ليس بها اى خلل واذا كان ارجو التوضيح للرد عليها
6- هل عندك ازدواج فى الشخصية وثنائية فى التفكير ؟ إذا كانت الإجابة لا فبم تفسر تعصبك للزمالك وتأييدك لأدب الحوار وألمك لميوعة التفكير عن الشباب ؟
اولا انا ذو شخصية واحدة واحادى التفكير واذا كنت قد تعصبت
فهذا ليس صحيح فانا لا اتحدث عن الزمالك منذ عام 2004 اخر انتصاراته واذا وجدتنى كما قلت فهذا تاثير ما قد مضى ولكنى اضبط نفسى مرة اخرى اما عن تاييدى لادب الحوار فهذا لارتقاء المستوى وكنت قد رفعت شعار نلتقى لنرتقى وانا لم اخرج عن الادب فى الحوار واذا كنت فاعرض لى واحدة من هذه المشاركات
عذرا باقى تتوقف على طريقة ردك
اتمنى ان تكملها واكون عند حسن الظن
beso كتب:1- يا ورد مين علمك تجرح....لمن توجه هذه العباره؟
لابنى سيف الدين لانه عصبى جدا
2-اعتذار الرجل للمراه ذل ام احترام للذات؟
او اى مراة وما صفتها وما نوع العلاقه بينهما اهى حلال ام حرام وارد هنا على اعتذار الرجل (الزوج) للمرأة(زوجته)
فهو احترام للرباط المتين والغليظ بينهم وليس به اى عيب ولا يشوبه شيئ اطلاقا ولكنه يديم الود والمعروف بينهم
3-رتب هذه الكلمات على حسب اهميتها عندك المال - الحب - الصديق - المستقبل المهني - العائلة !!!!
العائلة- الحب (لزوجتى طبعاوابنى)- الصديق -المستقبل المهنى- ثم المال
4-سر لاول مره تقوله لنا؟يعنى سر ما حد يعرفه عنك حتى الان ولا اقرب الناس ليك
انى مرشح ابقى موجه فى التخصص اللى انا شغال فيه
5-شئ حدث بحياتك غير مجرى حياتك؟
مقابلتى لزوجتى لاول مرة
6-كتاب حياتك بما تصفه فى كلمات معدوده؟
كتاب حياتى مليئ بالكثير وكلها متناقضات فانا اعيش فترة كبيرة كلى ياس وانتفض وازرع الامل فى حياتى مرة اخرى وايضا اعيش فترة حزن وكآبه واقوم واخذ الوان الحياة والونها فارى الوجود اصبح جميلا وخذ على هذا المقياس سعادة ونكد وهكذا
7-قرار اتخذته وتسرعت به ثم وندمت عليه؟
انى اكتفى بالليسنانس ولم اكمل الدراسات العليا
8-لا اسمع لا ارى لا اتكلم ,, متى تطبق هذه المقوله بحياتك ؟؟
عندما اكون فى قمة الغضب
9-قم بتوجيه نصائح الى خمس اعضاء قم باختيارهم انت ؟؟ <<< اختار ووجه ,,
1-زيزو حاسبى نفسك قبل ان تحاسبى
2-بيسو اتقى الله فى افعالك فالله يراك
3-سندريلا كونى زوجه وفيه لخطيبك واحفظية
4-ابن جرير افض علينا من بحر علمك ولا تبخل علينا
5-مستر على رزق لا تترك حقك مهما كانت قوة من امامك فيضيع وتندم
10-ماهو اكثر شي يحرجك ؟؟
ان اجلس مع اناس لاول مرة بالتزم الصمت من كثرة الاحراج
11-لو الزمان عاد يوما ماالشي الذي ستفعله مره اخرى ومالشيء الذي لن تفعله مره اخرى ؟؟
الشيئ الذى سافعله هو انا اختار زوجتى كزوجه لى
الشيئ الذى لن افعله هو تلك الفترة التى عشتها مابين التخرج
بسنتين
كفايه دووووول ونجهز شويه كمان ونرجع
ليه يا راجل هات اللى عندك كله
ماهو كل واحد ليه يوم يا ظلمه
beso كتب:1-
هل مفاجأة جلوسك على كرسي الاعتراف لها وقع في نفسك ؟ وماهو شعورك وانت على كرسي
لم تكن مفاجأة بالنسبة لى وكنت متوقع انى اجلس عالكرسى اما عاجلا ام آجلا اما بخصوص شعورى على قدر ما جلست على كراسى اعتراف كثيرة
الا اننى اشعر وكاننى اجلس لاول مرة عالكرسى بس شعور لذيذ
واكيد كله هيجيله يوم
2-موقف لن تنساه؟
المواقف كتير بس الذاكرة مش حديد عشان كده بنسى
لكن الموقف اللى متذكره دلوقتى كنت هكون سبب فى طلاق عميلة
فى الشركة اللى كنت فيها والست اتنقلت للمستشفى وكان صابح
تانى يوم تروح المصيف والحمد لله لا لحقت مصيف وجوزها رمى عليها اليمين واتنقلت للمستشفى
3-كلمه توجها لاعضاء المنتدى؟
ارجو التفاعل من جميع الاعضاء فالمنتدى ليس موضوعات ونرد عليها ولكن موضوعات تطرح ويتناقش فيها الجميع ونخرج بوجهة نظر ترضى جميع الاطراف واتمنى ان ارى جميع الاعضاء فى احصائيات الموقع الذين تواجدوا
4-هل فكرت يوم بالانتحار لو نعم ليه ؟
اعوذ بالله واموت كافر
5-ماهى اكبر غلطه بحياتك؟
البعد عن الله وترك الصلاة فى بعض الاوقات
6-لا تختبر صبرى.. تقولها لمين؟
لاعدائى او كل من يريد استفزازى
7-- ايه الاهم الكرامه ولا الحب وليه ؟؟
الحب الصادق بين الزوجين هو تاج الكرامهوالحب الغير شرعى هوه مضيعة للكرامة
8-هدفك فى الحياه؟
ارضاء وجه الله تعالى حتى استطيع ان امثل بين يديه
9-فى وقت الزعل اول شخص تدور عليه تفضفضله مين؟
كان الاول صديق عزيز عليه متربيين مع بعض حاليا زوجتى
وان لم اجدها فيكون للورقه والقلم
10-تخيل لو لقيت مصباح علاء الدين واقلك اطلب 3 امنيات ايه هما؟
بص حكاية علاء الدين دى صعبه شويه لكن انا هقولك 3 امنيات
اولها ان الناس اول ما تسمع الاذان تجرى للصلاة ويكتظ المسجد
كما يكتظ فى يوم الجمعه ورمضان
ثانيا نفسى اشوف الناس تبطل تكلم نفسها عالصبح وهيه ماشية وهيه راكبه المواصلات ويكون شعار الجميع قول الامام على علمت بان رزقى لن ياخذه غيرى فاطمأن قلبى
ثالثا ان عادات ولاد البلد تفضل مهما يقولوا عليها دقه قديمه واتمنى ان النخوة والرجولة تزيد فى شبابنا
11-ماذا تعنى لك الكلمات الاتيه؟الحب
رباط مقدس يجمع قلبين واحساس وشعور متبادل
المراه
سهم من سهام ابليس يصيب بها من يشاء
الصدق
نجاة
الكذب
هلاك لصاحبه
النميمه
اكل لحوم البشر
الخيانه
اقذر واحقر الصفات وهى من صفة المنافقين
الام
نظرة واحدة منها بالدنيا وما عليها ورضاها يشفى القلب
ولن نستطيع ان نوفيها حقها ولو حملناها على اعناقنا مدى الحياة
ونكتفى دلوقتى ولى عوده ان شاء الله
فى انتظارك
ابن جرير كتب:الأستاذ أحمد شكرا لمصارحتك ونكمل بنفس الشروط ..
وأضف لها " لا تغضب "
1 -لماذا غضبت من بعض أسئلتى ؟ هذا ظاهر فى ردك الحاد راجع رد السؤال الثالث والسادس
2-لماذا تعلق على كل المساهمات ؟حب ظهور مثلا أماذا ؟
3-ما سر توثيق علاقتك بالأستاذ على رزق فى الفترة الأخيرة ؟ مصالح؟
4- طيلة عملك بالصحافة بالمدرسة لم نرك ترمى ولو حجرا واحدا فى المياه الراكدة؟
5-فى ردودك على أسئلة الزملاء ذكرت أمك مرة وأختك مرة وابنك سيف مرة بينما ذكرت زوجتك أربع مرات .مع كل احترامى للجميع فسر ولك أن تمتنع
6-هل تغيرت نظرتك لى بعد هذا الحوار ؟
مستر علي رزق كتب:ابن جرير كتب:الأستاذ أحمد شكرا لمصارحتك ونكمل بنفس الشروط ..
وأضف لها " لا تغضب "
1 -لماذا غضبت من بعض أسئلتى ؟ هذا ظاهر فى ردك الحاد راجع رد السؤال الثالث والسادس
2-لماذا تعلق على كل المساهمات ؟حب ظهور مثلا أماذا ؟
3-ما سر توثيق علاقتك بالأستاذ على رزق فى الفترة الأخيرة ؟ مصالح؟
4- طيلة عملك بالصحافة بالمدرسة لم نرك ترمى ولو حجرا واحدا فى المياه الراكدة؟
5-فى ردودك على أسئلة الزملاء ذكرت أمك مرة وأختك مرة وابنك سيف مرة بينما ذكرت زوجتك أربع مرات .مع كل احترامى للجميع فسر ولك أن تمتنع
6-هل تغيرت نظرتك لى بعد هذا الحوار ؟
اسمحوا لي بهذه المداخلة :
الأستاذ أحمد جمعة محاور من الطراز الأول
رحم الله الصحفي محمود فوزي وبرنامجه حوار علي نار هادئة
الأستاذ أحمد زعفان سريع البديهة من الدرجة الأولى بدرجة مراوغ كبير
ابن جرير كتب:الأستاذ أحمد شكرا لمصارحتك ونكمل بنفس الشروط ..
وأضف لها " لا تغضب "
نكمل على بركة الله
1 -لماذا غضبت من بعض أسئلتى ؟ هذا ظاهر فى ردك الحاد راجع رد السؤال الثالث والسادس
استاذى الفاضل طالما وافقت على النقاش فلا غضب عندى
اما بخصوص ردى فهو عادى جدا واذا كان فيه شيئ بسيط مما تقوله فهو لانك تقول شيئ لم يحدث وهو انى غضبت وهذا ليس صحيح
2-لماذا تعلق على كل المساهمات ؟حب ظهور مثلا أماذا ؟
اعلق على كل الموضوعات لسببين الاول هو نوع من التشجيع للعضو الى ادرج المشاركة فاقل شيئ كلمة شكر حتى يواصل
السبب الثانى وهو الذى اصرح به لاول مرة هو ان هناك منافسه شرسه بينى وبين مستر على رزق للاحتفاظ بالمركز الاول من حيث عدد المساهمات فتجدنى انا وهو فى كل موضوعات المنتدى واسمح لى
من هذه المشاركة ان اوجه رساله لجميع الاعضاء ان يتنافسوا على شيئ معين ومحدد فصدقنى هناك لذه رائعة نشعر بها انا ومستر على وعلى فكرة مستر على طلب هدنه وانا قولتله لا يعنى لسه المنافسة قائمة واتمنى ان ينضم لنا الكثير من الاعضاء كما ذكرت
3-ما سر توثيق علاقتك بالأستاذ على رزق فى الفترة الأخيرة ؟ مصالح؟
ليست مصالح والا كنت لا انتظر رؤيته حتى ابلغه بالتطورات
ولكن العلاقه هى علاقه صداقه قبل ان اعرف مستر على اصلا فانا ذهبت للمدرسة لم يكن مستر على موجود وكان هو القائم على النشاط قبلى ومن كثرة ما سمعته عنه من الزملاء اشتقت لرؤيته وبالفعل حدث وكنت على حق حينما قلت له انت من الشخصيات النادرة التى تصادف الانسان وانا سعيد جدا لمعرفتك وسافعل المستحيل للمحافظة على صديق مثلك يوجههنى ويرى ما لا اراه ومستر على عنده بعد نظر نظرا لثقافته العاليه
4- طيلة عملك بالصحافة بالمدرسة لم نرك ترمى ولو حجرا واحدا فى المياه الراكدة؟
اذا كنت تقصد انى لم اقدم جديد او جوائز للمدرسة فاسمحلى ان ادعوك لزيارة قسم الصحافة ولترى انت بنفسك
اما اذا كنت تقصد ان الصحافة لم تغير فى المدرسة شيئ ولم تات بجديد فاسمح لى ان ابين لك ان الصحافه المدرسية لها حدود فى الموضوعات وهناك تقيد بمعايير معينه لابد العمل بها وهناك خطوط حمراء لا يمكن تخطيها ولكن الصحافة فى مدرستنا حققت تغييرات كثيرة وملموسه اذكر منها (اعادة تشغيل حجرة الحاسب اعادة وضع صناديق القمامة- فصل الطلبة البين عن الطالبات
وكل ذلك حاورت اسرة الصحافه فيه مستر انس
5-فى ردودك على أسئلة الزملاء ذكرت أمك مرة وأختك مرة وابنك سيف مرة بينما ذكرت زوجتك أربع مرات .مع كل احترامى للجميع فسر ولك أن تمتنع
لا لست ناكر للجميل فامتنع
زوجتى لها فضل كبير على فهى انتشلتنى من فترة كانت من اسوء ايام حياتى كانت سنوات الضياع ووقفت بجوارى كثيرا وشجعتنى على الكثير والكثير وساعدتنى على التوبه والرجوع الى الله وعلى فكرة هى كانت احد الاسباب الرئيسية فى اطلقى للحية ووجدت فيها ضالتى التى انشدها منذ زمن بعيد ولو اردت ان ارد لها بعض الجميل لن استطيع لانها صاحبة فضل كبير على وغيرت مسار حياتى للافضل فاوجه لها رشاله شكر وعرفان
6-هل تغيرت نظرتك لى بعد هذا الحوار ؟
اطلاقا يا مستر احمد الاختلاف فى الرأى لا يفسد للود قضية
ابن جرير كتب:مستر أحمد زعفان
لم ترد على الإجابات من أمس ماسبب التأخير بالرغم من استعدادك للجلوس ترى هل السبب :
1- الأسئلة هايفة لا تستحق عناء الرد
2- أستعين بصديق أو بموقع
3- لا أجد ردا لهذه الأسئلة يحفظ لى البرستيج بتاعى
4- أذاكر الإجابات جيدا
5- الجلوس على الكرسى متعب فقمت تتمشى شوية
حمدى احمد كتب:السلام عليكم
نبدأ الاسئلة
جملة ( احسنت صنعا ) تقولها لمين ؟
لفريق البرلمان المدرسى
مين احسن عضو بتعجبك مواضيعه او ردوده ؟
الكل والله حلو بس انا بحب ادخل موضوعات مستر على ومستر احمد عشان عارف انهم بينتقوا الافضل اما الردود زيزو وسندريلا
عضو/ة او مشرف/ة تتمنى ان تراه باستمرار؟
اتمنى ان ارى كل الاعضاء متواجدين ومتفاعلين وليسو ضيوف شرف
عضو/ة تكون حريص على التواجد فى موضوعاته؟
فى اعضاء كتير بس عاشق رونالدو على الرغم من ان مشاركاته قليله بس احب اتواجد فى موضوعاته
افضل قسم فى المنتدى ؟
الاسلامى (المهجور من الاعضاء) للاسف فيه وجبه دسمه
ماهى عيوب الاعضاء من وجهة نظرك ؟
قلة تواجدهم ودخولهم فهناك اعضاء لم يزوروا الموقع اصلا ومن زار ولم يساهم حتى الان
كيف يمكن القضاء على هذة العيوب؟
اعتقد ان فى بعض الاعضاء اول مرة يشاركوا فى منتديات وخبرتهم قليله فيمكن عندهم خجل من انهم يقولوا انهم مش بيعرفوا يعملوا موضوع والحل انهم يرفعوا الخجل ويسالوا ولو حتى برساله خاصه واعتقد ان فى كتير من الاعضاء عمل كده ومحدش اتاخر عليهم
هل تتلقى النقد بصدر رحب ؟
نعم ولكن يكون فى حدود الادب والاحترام انما غير كده لأ
( احسنت ولكن ..... ) تقولها لمين ؟
لكل من ظن انه سيتفوق علينا
ما الذى يجعلك تغضب من عضو / ة ؟
عدم الاستجابه للنصائح والتلفظ بالفاظ خارجة
ليه مش بتفتح ايميل الموقع دلوقتى ؟
مفتوح باستمرار بس بيبقى اوف لاين
ليه الموقع مش ليه ميل ع hot mail رغم ان فيه ناس بتحب تواصل بس مش عارفه ازاى ؟
اعتقد الياهو حل المشكلة دى ممكن من الهوت ميل تضيف الياهو والعكس يعنى الموضوع مش صعب خد الايميل كوبى وضيفه فى الهوت ميل هيوصلنى وهضيفه عادى
- انا ممكن اعمل الميل ده -
للاسف مش بحب اتعامل مع الهوت ميل وبيكون تقيل على الجهاز
اسعد خبر سمعته فى حياتك ؟
مولد ابنى سيف الدين
(عاش من شافك )تقولها لمين ؟
لاى حد يتفوق ويدخل كلية من كليات القمه حاليا
الحمد لله وكفى
تستاهل الحمد
وهرجعلك تانى
فى انتظارك يا جميل
العفريت الازرق كتب:
روق بالك بحضرلك شويه اسئله عقبال ما تاكل الايس كريم بالهنا و الشفا
[center]الله يباركلك يا عفروتو الواحد ريقه نشف
ياريت بقه كانز سيفن اب عشان اروق اكتر
العفريت الازرق كتب:مجموعك فى الصف الثالث الثانوى كان كام؟
كان 73 %
ايه هى الماده الى كنت مش بتقدر تستوعيبها؟
فى الثانوية ولا فى الدراسة عموما لو فى الثانوية مافيش لانى كنت بحب الدراسة الادبى
فى الدراسة عموما الجبر والهندسة
عرفت الانترنت عبر من؟
من نفسى لانى كان عندى حب استطلاع وكنت اقرا عنه كثيرا وكنت ادخل عبر خط التليفون
هل تحب الانانيه والغرور؟
لا احب هذا ولا ذاك وليس بشهادتى لكن بشهادة من حولى
اخلص صديق لك من هو؟
اخلص صديق لى مش هتعرفوه لانه مش المدرسة وعموما هوه اسمه عبدالعزيز
هل وظيفه المدرس تعجبك ام ممله؟
لم اكن اتوقع فى يوم من الايام ان اعمل مدرسا
ولكن تاتى الرياح بما لا تشتهى السفن وليس كل ما يتمناه المرء يدركه والحمد لله على كل شيئ
ماذا كنت تريد ان تكون قبل ان تكون مدرس؟
اكون صاحب شركة او مرشد سياحى
اسوء موقف حدث لك؟
كنت بصلى فى الجامعة وكنت فى جامعة الزقازيق والكوتش اتسرق
ورجعت بشبشب زيكو
Mr/Ahmed Zayed كتب:حبيب قلبى مستر احمد
اهلا يا اخويا صيفت وراجع رايق طبعا
حلو اوى انك قاعد على الكرسي بس حاسب لتقع منه
انزل وتقعد انته ومتخافش جايب كرسى مقاسى
1/ وجهة نظرك الشخصية فى الزواج
استقرار وتهذيب وتاديب وانصح كل الشباب الطائش بيه
2/ ما هى سلبيات مدرسة د ابراهيم مدكور
من واقع احتكاكى فى المدرسة لم اجد هناك سلبيات اطلاقا تخص المدرسين فالكل يتفانى فى اداء عمله واذا كان هناك سلبيات قد تكون فى الطالب الذى يستهتر ولا ياخذ الحياة جد وكان خطأ كبير ان تغلق المدارس الصناعيه وتقتصر على الثانوى العام واعتقد اثر ذلك على مستوى الطالب ومستوى التعليم عموما
غير كده مافيش يا سعادة البيه
3/ لو كنت مديرا لهذه المدرسة ( مع احترامى للجميع ) فما هو اول قرار ستتخذه
قبول طلبة شبرامنت للالتحاق بالمدرسة
4/ هل تحب ان تكون وزير التربية والتعليم ؟ ولماذا ؟
لا طالما ان مناهج التعليم موضوعه من الخارج ومسيسه ولا قرار لوزير التعليم غير تنفيذ القرارات التى تملى عليه
5/ هل ترى نفسك ايجابى لمن حولك ام انت شخص سلبى بالنسبة لهم ؟
الحمد لله بشهادة الجميع انا امد يد العون لمن حولى ويظهر ذلك فى مدى محبة من حولى لى
6\ ماذا يمثل لك علم النفس عامة ؟ وهل له ركن فى حياتك
علم النفس علم جميل تستطيع من خلاله تحليل الشخصيات التى امامك واعتقد له ركن اساسى للجميع وليس لى انا فقط ولكنى للاسف اعتمد فى خبراتى فى الحياة فى الحكم على من امامى وقد اكون مخطئ فى بعض الاحيان ولكن احتاج لتطوير نفسى واحتاج ايضا ان اطلع على الكثير من العلوم وليس علم النفس
7/ لكل شخص سيكولوجية خاصة به يجب على الاخرين التعامل معه بسيكولوجيته وابراز ايجابياته وسلبياته .. هل ترى هذا صحيحا ؟ مع التعليل
ونبى انته فاهم اصلا يعنى ايه سيكولوجيه
اعتقد هذا صحيحا ولقد حث الدين على ذلك فقالالمرء مرآة اخية لذا وجب عليك نصيحته ولكن احذر فمن نصح اخيه فى السر فقد نصحه ومن نصح اخيه عالملأ فقد فضحه
اى خدمة كلام كبير قوى اهو
8/ ما وجهة نظرك الشخصية فيا انا كعضو فى هذه المنتدى
وكشخص انت عرفته لمدة قليلة ؟
بص انت وكل مجموعتك شخصيات محترمه جدا وانا شخصيا بحترمهم وبشجع صداقة شخصيات مثلكم واتمنى ان ارى كثير من الاصدقاء مثلكم وانت شخصية مؤدبه جدا ومن اصل طيب وهذا يكفى
9 / هل انت شخص محبوب منذ الجلسة الاولى ام ان شخصيتك خفية لا يعلمها الا من اقترب ؟
لا وده شيئ انا لاحظته كتير فانا عندما اجلس مع اناس لاول مرة التزم الصمت فابدو كئيب ولكن بعد هذه المرة انطلق ويتعلق الجميع بى وكان ذلك جليا فى جميع صداقاتى فى الجامعه وقد قيلت لى مباشرة وكان الجميع ينتظر يوم نزولى للجامعه فيكون يوم مليئ بالمرح والسعادة وهذه نعمة من الله
10 / مذا يعنى لك التسامح وهل حقا تسامح من اخطأ بك
اسامح ولكن عندما أأخذ قسط من الراحة او هدنه قصيرة مع النفس
11/ ما هو اسعد خبر انت تنتظره فى حياتك ؟
ان اذهب للاراضى المقدسة واعتمر واتمنى من الله ان اقبض هناك ويكون راض عنى تمام الرضا
12/ ما هى قدرتك على التواصل مع الاجيال التى تليك بعيدا عن النت تماما ؟
فكرة صدام الاجيال متواصله ولكن انا كشاب استطيع التواصل لحد معين يعنى مثلا لا استطيع عمل بعض الاشياء التى يقوم بها الشباب حاليا مثل (تسقيط البنطلون - عمل شعرى بشكل غريب -لبس حظاظه - او سلسله ) هذا مرفوض تمام واعتقد الانسان المدرك والواعى ياخذ ما يتناسب معه ويضرب عرض الحائط لما لا يتناسب معه
\ ما وجه استفادتك من وجود شخص له مكانة رائعة كمستر على رزق فى منتداك وايضا بمعرفته
مستر على من الشخصيات التى تتعلم من كل يوم شيئ جديد وبحر علمه واسع وغزير ماشاء الله عليه اعتقد استفادتى منه فى المنتدى انه محرك الطاقه والنشاط والحوية وهو قائدى وموجهى واستشيره فى الكثير من الامور واجد فى نصيحته الرشد وفى حياتى العامه اتعلم منه الكثير ففيه الكثير من الصفات التى يجب ان يتحلى بها المسلم
14\ من هو المدرس الذى لو رايته لابد ان تقف له احتراما ومن المستحيل نسيان افضاله عليك ( شخص واحد فقط )
هما للاسف اتنين حاليا ومش هينفع اقول واحد
مستر محمد مرسى كان استاذى 6 سنين 3 اعدادى و3 ثانوى
مستر شعبان بيومى
15\ ما هى طموحاتك الشخصية ؟
ابتغاء وجه الله لانه هو الذى سيبقى
16/ ما هى سلبياتك ؟
على قدر ما استطيع ان اقتل الذى امامى من البرود وهدوء الاعصاب الا اننى سريع الاستثارة ويمكن استفزازى بسرعه
17/ ما هو الحييوان المفضل بالنسبة لك ؟
الحصان
18/ ما هى يوتوبيتك الشخصية ( المكان الذى دائما ما تحلم به ) بعيدا عن مفهوم الجنة وتكلم عن الدنيا
الجلوس امام البحر ويارب اكون فهمت السؤال
19 / هل ترى نفسك حققت المطلوب منك تجاه هذا المنتدى 0
للاسف لأ احنا لسه فى بداية المشوار
هل تعجبك مواضيعى ؟
الى حد ما مع العلم ان موضوعاتك قليلة ولكن ارجو ادراج موضوعاتك فى اقسام تتناسب مع القسم
21 / لو طلب منك ترشيح احد الاعضاء لاعتلاء منصب ادارى فى المنتدى فمن سيكون وعلى اى اساس ستختاره ؟
شرفيا مستر احمد جمعة (ابن جرير) لانه جدير بذلك واعتقد انه قادر على ادارة العشرات من المنتديات فى وقت واحد ولكن تنقصه الخبرة
ويليه العضو الشبرمنتاوى لانه بجد اثبت ليه ولنفسه وللجميع مدى حبه للمنتدى واثبت الولاء فى حبه للمنتدى
22 / خمس اعضاء فى المنتدى حلل شخصيتهم فى كلمة واحدة فقط
وهم مستر على / ابن جرير / سندريلا / بيسو / انا
مستر على : حكيم المنتدى
ابن جرير: السراج المنير ولكن نريد ان يزداد نوره
سندريلا : فاكهة المنتدى
بيسو :متقلب واتمنى ان يثبت على حال
انته :وجهة نظر وانت فاهم
كفاية اوى كده اتمنى انك متزعلش منى على اى سؤال
لا طبعا انت تنور وتقرفنى على طول
الشبرمنتاوي كتب:اول حاجة
انا معرفش الا انهارده
احسن بردو انا مطحون عالكرسى
وكان عندي شوية اسئلة
قول يعنى هيه جات عليك ماهو كلخ بيسال
وعرفت منهم حاجات كتير من الاعضاء
طب وبتسال ليه اما انته عرفت
اول حاجة 1عندك كام سنة
مع انى جاوبته قبل كده بس فى الاعادة افاده 28 سنه
2 -اشتغلت في المدرسة بواسطة
لا طبعا
3- ليه معظم مدرسين المدرسة من ابو النمرس
مش كتير فى من برة وعموما دى بتاعت الادارة التعليمية
4- اذاي عرفت زوجتك(صداقة -صدفة الخ)
لا والدتى قالتلى عليها
5-ما رايك في ان ولد يحب بنت
تضييع وقت لان نهايته معروفه
6-حبيت قبل كده بنت و انت شاب صغير
انا مكنتش بحب هما اللى كانوا بيحبونى
7 -ايه رايك في غرف الشات المغلقة
اكبر تجمع لابليس ويخرج منها كل البلاء والمفاسد والمواعيد الغرامية ووجود الشباب مع البنات بدون محرم حرام
8- ايه رايك في ولد يكلم بنت علي الشات
الغلط عليها هيه عشان اديته الفرصه دى واكيد هتندم فى النهايه ان مخسرتش حاجه فاكيد هتخسر سمعتها واكيد بتخسر نفسها قدام ثقة اهلها اللى وثقوا فيها وهيه خانتهم
9-قول لنا بعض عيوب و مزايا شخصيتك ويا ريت كلها
ازاى بعض وكل
عموما عيوبى انا قولتها ومميزاتى مش انا اللى بقولها اللى بيعرفنى هوه اللى بيقولها لى بس معظمهم بيقولى انى قلبى ابيض ومرح ولذيذ وشخصية محترمة وده رايهم مش رائى
10-لما بتدايق من ابنك بتعمل ايه
لما بتضايق منه حاجه من الاتنين يا اما باخده فى حضنى واقعد اقوله كده غلط مع انه مش هيعرف اللى انا بقوله ياما بشخط فيه ولو عمل حاجه غلط بضربه على ايده واحيانا بنسى وبضربه على وشه
11-نفسك تخلف بنت
كان نفسى اخلف اول حاجه بنت عشان حنينه على ابوها
12-لما حد بيحرجك بتعمل ايه
ممكن اخد الموقف بتهريج واخرج من الموقف بصنعة لطافة يا اما بسيب المكان وامشى او افضل قاعد ساكت
13-لو حد سالك سوؤال مكسوف منه بتعمل ايه
مين اللى مكسوف انا ولا هوه اكيد انا
بجاوب بس بالمتغطى وهوه وشطارته يفهم بقه ولا مايفهمش
zizo_mms كتب:ودى بقى اسئلى ورينا شطارتك دة طار قديم من اعمالكم سلطت عليكم
يا ستى ياما دقت عالراس طبول
1-- مــــن انـــــــت ...؟؟
تقصدى ايه انى اعرف نفسى يعنى ودراستى وكده
عموما لو هيه انا احمد همام زعفان ليسانس اداب قسم اعلام شعبة اذاعة وتليفزيون خريج سنة 2003
2-باقة ورد لمن تهديها ...؟؟
لكل من ينجح فى مجاله علميا او عملبا
3- باقة شوك لمن تهديها ...؟؟
الفشله الساقطين واتمنى اضربهم بالنار كمان
4- اسوأ خبر سمعته...؟؟
سؤال مكرر وجاوبته
5- شخص لاترفض له طلبا ..؟؟
والدتى
6- مـــــن يطـــــربك ...؟؟
محمد منير
7- ماهي التجربه التي تتمنى تكرارها ...؟؟
مسابقة البرلمان هاتمنى اخد مركز اول جمهورى مش تانى
8- من هو توأم روحك ...؟؟
برضو مكرر بس هوه صديقى عبدالعزيز
9- ماهو اكثر شئ تخشاه...؟؟
القبر وظلمته بعد ربنا طبعا
10- مالذي يشعرك بأكثر قدر من الحرج...؟؟
انى اتكلم قدام ناس بحاجه مش واثق منها ويكونوا هما عارفين
11- نزار شاعر المرأه.... وانت شاعر من ...؟؟
شاعر نفسى فانا اكتب ما امر به من تجارب
12- حمامة زاجل استقرت على نافذتك تحمل رسالة من مجهول فممن تتمنى ان تكون...؟؟
والدى رحمه الله
13- جريمه تتمنى ارتكابها...؟؟
ان اقتل الفقر فلو كان الفقر رجلا لقتلته
14- قطعة فحم صغيرة وجدار نظيف ماذا سترسم عليه ,,وماذا ستكتب تحت الصورة...؟؟
اشلاء مبعثرة واكتب تحتها بقايا انسان
15- كلمه اخيره .. بعد ان اصابك الملل..؟؟
مش فاهم بس لو اصابنى الملل بقول مافيش فايده
1- من هو العضو اللى نفسك تخنقه ؟
لو هيه اللى انا اعرفها يعنى باكرهه يبقى مافيش
2- من هو العضو اللي شايف حاله بنظرك ؟
مش فاهم ارجو التوضيح
3- من هو العضو اللي يستحق انه تقول عنه محبوب بين الاعضاء ؟
مستر على وسندريلا والشبرمنتاوى وعاشق رونالدو ومستر احمد بس له بصماته مش ظاهرة فى المنتدى بس مع الايام هتظهر
4-مين بنظرك بيعمل بجهد بالمنتدى ؟
كل من يضع مساهمة فهو مجتهد
5-مين مقصربالمنتدى بنظرك ؟
ضيوف الشرف اللى بيدخلوا بيتفرجوا ويخرجوا
[justify]beso كتب:المره دى يا مستر سؤال واحد وعايز اجابته من قلبك وبصراحه وقول ورايا (والله العظيم اقول الحق)
كما قلتها لمستر احمد من قبل الله احق ان اخشاه
دلوقتى انت حلفت لازم تقول الحق من قلبك كل كلمه هتكتبها
على فكرة انا محلفتش
السؤال بقا
هل سامحت هؤلاء الاعضاء من قلبك ولسه فاكر الموقف ولو سامحتهم هل السماح الى من قلبك؟
بص معنى انى ارجعكم المنتدى انى سامحتكم من قلبى لكن بيبقى فى بعض رواسب كده اكيد هتزول مع الاحتكاك
الاعضاء بقا
احمد عزت بدوى
بص احمد سبب المشكلة كلها مع انى مكنتش حابب انى افتح الموضوع ده تانى بس يلا كويس انه جه عشان نصفى النفوس لو من البدايه كان قالى كنت فيدته فى عمل الاقسام والحاجات دى وساعدته كتير لكن لف ودار ولا يحيق المكر السيئ الا باهله بس اكيد هيجى يوم اسامحه نهائى
سندريلا
سندريى هوائية يعنى تقدر تجيبها شمال تيجى معاك وتجيبها يمين برضو تيجى معاك بس من جواها طيب ويمكن انا سامحتها عالموقف
بس لحد دلوقتى مش قادر اتخلص من رواسب الصدمة اللى اتصدمتها من ردودها عليه بس اعتقد انها على وشك انها تزول والدليل على كده انها بقت مشرفه تانى
غرام الكون
طايشة وينقصها كتير قوى من الخبرة وبكرة هتتعلم مع مرور الوقت وللاسف يمكن مقدرش اسامحها طبعا من اللى صدر عنها فى موضوع خاص كده كان اسمه (خش للاهمية) اعتقد انت تعرفه
وبيسو الى هو انا طبعا منهم
بص يا على بخصوص موضوع الوقف انا سامحتك بس اللى مزعلنى منك انك على قد ما انته كنت بتخدم القسم الاسلامى وكنت مشرف عليه الا انك بينتلى عكس ده وده اللى مش ممكن اسامحك عليه الا لما توعدنى وتعاهدنى على الالتزام بشخصية واحده ونصيحة لوجه الله انت مش قد ذنوب المنتدى بتاع الاغانى واعتقد الموقع اللى انته عامل باسمة موقعك قفل عشان صاحبه تاب فراجع نفسك تانى وعلى فكرة انا كنت برد عليكم بنفس وباهتمام لما كنتوا بتردوا او بتحطوا مشاركه عكس ما انته قولت
عايز بقا الاجابه بس الصراحه راحه
انا رديت على فكرة
ملحوظة انت نسيت عضو من باقى الاعضاء هوه ميسى[b]
beso كتب:على فكره يا مستر الى حضرتك متعرفوش انا كل منتدى عامله وكل منتدى كنت بعمل فيه اغانى حتى المنتدى بتاعى كل ده سبته لانى عرفت المسئوليه حتى منتداى سبته وكل واحد بيجى عليه وقت ويراجع نفسه واظن انى عملت كده واكتشفت حاجات كتير
ابن جرير كتب:ربنا يثبتك يامستر أحمد
Mr/Ahmed Zayed كتب:شكرا جدا لردك على الاسئلة واذا كان بعضها انت مرديتش على السؤال مباشرة او رديت باجابة غير اللى انا عايزها
والله حضرتك لازم ارد من وجهة نظرى واعتقد تفكيرى غير تفكيرك وانا مش هنط جوه دماغك واعرف انته عايزنى ارد بايه ولا انته عشان راجع من المصيف هتخنقنا به :P محدش صيف غيرك
بس اى خدمة شوية اسئله تمام
ليك يوم اكيد وعموما ابقى فوت علينا كل يوم
انا عند فكرة ممكن تكون اضافة لهذا القسم الرائع
ان اى عضو يسال اسئلة ويجاوب عليها اللى على الكرسي
امال احنا بنعمل ايه بندخل نقشر بصل مثلا
يجب عليه تحليل شخصيته
هنجيب محللين نفسيين هنا
والا فلماذا نجلس على الكرسي
اهو وقت فراغ عندن مش عارفين نضيعه فين
zizo_mms كتب:يلا جاوب على شويه الاسئله دى ومتقلقش لسه فى اسئله كتير مش بقولك طار قديم
يارب تشفى غليلك وتاخدى ثأرك
صـف نفســـك بكلمتيـــن فقـــط..!
متقلب المزاج - طموح فى عملى
ماهــو الشــئ الذي ندمــت علــي عمـلــــه؟!؟
الحمد لله عمرى ماندمت على حاجه لانى بفكر فى كل حاجه قبل ما اعملها وبتحمل عواقبها لان ده اختيارى
كلمـه تمنيـــــت ان تسـتطيـــع سحـبهــــا؟!؟
اعتذارات لاشخاص اثبتوا انهم لا يستحقون الاعتذار
آخـر شخـــص تتـــذكــــره قبـــل أن تنـــــام؟!
ملك الموت
-شخـــص لطــالما حـــلمـــت بــــه؟!؟
ابنتى فى المستقبل باذن الله(حبيبة)
دمـعـــه انـذرفــــت رغـمــاً عنـــك؟!؟
هما كتير افتكر منها لما كانت مراتى بتولد
مـوقـــف صــدمــك ولــن تنســــاه؟!؟
خيانة اقرب صديق ليه فى الجامعه
شــئ او عمــل لا تستطيــع مســامحته؟!؟
الخيانة
شــئ او شخــص غيــّر مجــري حياتـــك؟!؟
تم اجابته قبل كده وعموما (مراتى)
حلم لا تستطيـــع تحقيقه؟!؟
انى ابقى رئيس الجمهورية
-كلمة تود سماعها كل يوم؟!؟
بابا من ابنى سيف
القمر-الشمس-النجوم...........ايهم تفضل والسبب؟!
القمر لانه رمز للرومانسية
zizo_mms كتب:1- من هو العضو اللى نفسك تخنقه ؟
لو هيه اللى انا اعرفها يعنى باكرهه يبقى مافيش
موصلتش الاجابه ممكن توضح اكتر
والله اللى يستاهل الخنق فى الموقع يبقى انتى
2- من هو العضو اللي شايف حاله بنظرك ؟
مش فاهم ارجو التوضيح اقصد يعنى مين بنظرك من الاعضاء مغرور او متكبر شايف نفسه اوى ارجو الرد
ما اعتقدش ان فى حد متكبر او بالاحرى لسه مقابلتش حد كده
حمدى احمد كتب:وررررررررررجعنا تانى
حمدا لله على سلامتك بس انته جاى ميكروباص ولا فى توك توك
ازيك يا مستر ،
ازيك يا حمدى
ردودك كانت دبلوماسيه جدا بس على مين
يمكن عشان تلقائية انته حسيت انها كده بس فعلا كلها تلقائية
خد بقى الشوية دول ...........
هات يا حج هوه حد لاقى اسئلة اليومين دول
ممكن اعرف مؤهلاتك ؟؟
(مكرر)ليسانس اداب قسم اعلام شعبة اذاعة وتليفزيون
ليه بتدخن رغم انك عارف ان دى مهلكه للجسد مضيعة للمال وهو مانهى عنه الله ؟؟
ضعف فى ارداتى وانا اعلم ذلك واحاول ان اتغير ولكن اريد ارادة اقوى من كده شوية
بتصلى ولا لأ ؟؟لو لأ ليه ؟؟
الحمد لله انا بصلى بس بقع فى اوقات كده شيطانى بيغلبنى وبتكون من اتعس ايام حياتى وبتبقى فترة كلها مشاكل ونكد
ولو ايوه نصيحة للمداومة عليها ؟؟
بص انا هقولك نصيحة هامه جدا ركز مع الاذان وشوف كلماته هتلاقى المؤذن بيقول الله اكبر الله اكبر يعنى ربنا اكبر من كل شيئ واكبر من اللى انته بتعمله والتكرار للتوكيد طب انته ما ركزتش بتتعاد تانى الله اكبر الله اكبر يعنى قوم وسيب اى حاجه مهما كانت مهمه وبعدها بيقول اشهد ان لا اله الا الله بيذكرك انك مسلم وموحد وبعدها بس دى نصيحتى فكر وركز فى الاذان وحط دايما الموت قدامك وصدقنى هتتمنى انك متخرجش من الجامع
كنت تلميذ شاطر ولا لأ ؟؟
انا كنت تلميذ متوسط فى المواد العلمى وكنت شاطر فى الادبى وكنت متفوق فى مادة والدى رحمه الله اللى هيه الدراسات الاجتماعية (تاريخ وجغرافيا)
نصيحة عشان نبقى شطار ؟؟
لا تؤجل عمل اليوم للغد واستعن بالله وبص لاهلك ومدى التعب اللى بيتعبوه معاك وكم المصاريف اللى بتتصرف اعتقد ان اقل هديه لرد الجميل النجاح والتفوق
ايه المواد اللى كنت مش بتحبها وليه ؟؟
الرياضه بفروعها جبر وهندسه
ايه المواد اللى كنت بتحبها وليه ؟؟
اعتقد انا جاوبت فى السؤال اللى فات بس عموما المواد الادبية
ليه سميت ابنك سيف ؟؟
ده كان من احلامى انا ومراتى واختارنا الاسماء بتاعت البنت والولد فى فترة الخطوبة وان شاء الله يكون فعلا سيف للدين
ويكون فى خدمة دينه وهذا املى فيه واتمنى من الله ان لا يخيب ظنى
من طرف 
