منيل شيحه يا اطيب بلد
نفسى يطلع منك ولد
يخدم فيكى بهمه وجلد
يجعل منك اجمل بلد
بلدى يا منيل شيحه يا غاليه
فوق الروس دايما عاليه
نفسى اشرب ميه حلوه
مش ميه تحطم فى الكليه
وياما نفسى اشوف فيها كورنيش
دا انتى فى موقع زيه مفيش
لاكن قدرك ده ونصيبك
مطلعش واحد جد حبيبك
واللى فرحوا بالريالات والدينارات والدولارات
وقبضوا منها بالشوالات
راحوا وشيدوا العمارات
وركبوا احدث عربيات
ونسيوا ان كل ده زايل
وان حالنا هيصبح مايل
بعد ما باعوا اغلى ما فيكى
شطك ونيلك مع اراضيكى
ودفنوا لينا كتير احلام
حلمت بيها كتير اقلام
ولكن كل ده طلع اونطه
وسابونا نعيش فى الاوهام
سابونا نعيش فى الاوهام
ووالدى هو الذى كتبها ارجو ان تنال اعجابكم