مدرسة الدكتور ابراهيم مدكور الثانوية

مرحبا بك فى منتدى مدرسة الدكتور ابراهيم مدكور الثانوية المشتركة
عزيزى الزائر معلما فاضلا ... طالبا نجيبا
يسعدنا انضمامك معنا ونتمنى ان تكون واحدا من اسرة
هذا الصرح التعليمي العريق لتستفيد وتفيد


(يا اخى وصلت لحد هنا ومستخسر فينا تسجيلك)

الموضوع اسهل مما تتخيل (خطوتين تسجيل وتكون وسطنا)


ملحوظة هامة جدا

استخدم متصفح فاير فوكس لو معرفتش
تدخل ولو صفحة الموقع بتخرجك
وفى حالة اتمام التسجيل ستصلك رسالة لتنشيط حسابك على الإيميل يرجى الدخول عليها وتنشيط الحساب وفى حالة عدم القدرة على تنشيط الحساب سنقوم بتنشيط حسابك وبمجرد رؤيتك اسم العضوية الخاص بك فى ادنى الصفحة الرئيسية تستطيع الدخول بمنتهى السهولة الى الموقع
مدرسة الدكتور ابراهيم مدكور الثانوية

بوابتك نحو متعة التعلم

 
            
 
 




    اوعى تقعد مع جدتك ليلة الامتحان.....؟؟؟

    شاطر

    zizo_mms
    عضو شادد حيله
    عضو شادد حيله

    عدد المساهمات : 234
    نقاط : 106045
    تاريخ التسجيل : 27/05/2009
    العمر : 28

    trans اوعى تقعد مع جدتك ليلة الامتحان.....؟؟؟

    مُساهمة من طرف zizo_mms في 20/7/2009, 10:40 pm

    " الله أكبر .. الله أكبر.." آذان الظهر ..

    - يارب.. يارب بحق ده الآدان تنجح يا نون يابن ابنى وأشوفك دكتور أد الدنيا

    - ياستي بس أنا فى تجارة

    - وماله يابني هو يكتر على ربنا ...... ده ربنا قادر على كل شئ

    - ياستي ونعم بالله بس اللى بيطلع دكتور لازم يكون فى كلية الطب مش التجارة

    - ياللا تجارة تجارة .. ومالها التجارة ..

    دى حتى التجارة شطارة .. ده -الله يرحمه-

    جدك كان تاجر في الوكالة أد الدنيا

    ( طبعاً الضياع بدأ )

    - ياستي التجارة اللى فى الوكالة حاجة واللي في الكلية حاجة تانية

    - ع العموم شد حيلك أنته وانا أخلي جدك يخدك معاه الوكاله

    عشان تتدردح وتتودك في السوق


    - جدى إيه اللي هايخدنى معاه ..... ده جدي مات من زمان ياستي


    - يامصيبتي عبد الواحد مات .. ياحبيبي ياأخويا ..

    مكنش يومك ياسبعي ( طبعاً ف الطراوة من زماااان )

    - ياستي ده ميت من تلتين سنة

    - تلتين سنه .. ده العمر بيجري ياولاد تصدق ولا حسيت بيهم ....

    ياللا أهو غار في داهيه .... قطع وقطعت سيرته .. ده كان بخل الدنيا فيه ..

    أن ما عمره دخل عليه ببطيخة ولاكيس جوافة

    ( لاتعليق )

    - ياستي حرااام عليكى عايز أذاكر بقى

    - يوه..وأنا ماسكاك ياوله.. ذاكر ...

    ذاكر عشان ربنا يكرمك وتنجح وتاخد الدبلون

    ( ومازال الضياع مستمر )

    - ياستي دبلون إيه .. اسمه البكالوريوس

    - أنته حتضحك عليه ياوله .. اسمه الدبلون الواد ابن فايزة جدع

    زيك كده فى مدرسة التجارة وخد الدبلون

    - خلاص دبلوم دبلوم ياستي .. سيبيني بقى عشان أذاكر

    - ذاكر ..ذاكر يا أخويا ذاكر ... تعرف ياواد ..

    ندرن عليا يوم ماتنجح لأكون رايحه خاطبالك عبير بت رئيسه ....

    دى إيه ياواد .. أدب وأخلاق ..وعلام كمان

    - ياستي عبير دي معاها أعدادية

    - وماله يابني ... الراجل مايعبهوش إلا جيبه

    - راجل ... راجل مين ياستي ... عبير دي بنت

    - عبير ... عبير مين ياوله .. أنته بتعرف بنات من ورانا

    - لا إله إلا الله .... أبوس رجلك ياستي أرحميني بقه

    - طب ذاكر .... ذاكر كتك نيله وأنته طالع براوي كده زى أمك....

    قطعت وقطعت سيرتها...أنامش عارفه أبوك كان أجوزها على إيه..

    حكم...قال لبس البوصة تبقى عروسة..

    بس واللى نبى النبي نبي لكون مبوظه الخطوبة دي ومجوزاه أنيسة بت أختى

    ( كده فللل ع الآخرر )

    - ياستي خطوبة إيه ..أبويا مجوز أمي من خمسة وعشرين سنة ..

    وبعدين أنيسة دى بنت أخوك مش بنت أختك ..

    وأساسا إنتي ملكيش إخوات بنات

    - صحيح ياوله ..أنته عندك حق أنا مليش إخوات بنات..

    أصلي أنا أمي ماكنتش بتخلف صبيان ( )

    - حرااااااااااااا ااااااااااااااا اااااام ............ستي ماتطلعي البلكونة شويه ...ده الهوا حلو بره

    - لأ ياخويا....فى جدع كده حليوه وشعره مسبسب في البلكونه اللي

    في الوش بيقعد يعاكسني( )

    - خلاص روحى المطبخ ... أهو زمان أمي خلصت الرز

    - رز...رز إيه يابنى....هوأنا ليه سنان للمكرونه...أناهطلع البلكونه أحسن (ههههه)

    - طب أبقي خلي بالك م الهوى ياستي


    - هوى لما يلطشك يا بت يا جذمه انتي


    - الحمد لله أخيرا خرجت وقدرت أذاكر ..

    ياترى أنا كان إسمي إيه؟؟

    ياترى كان إسمي إيه؟؟

    انا مين انا ليييييييه انا ازااااااي !!Very Happy:D

    منقوووووول
    [b]


    عدل سابقا من قبل سندريلا في 21/7/2009, 11:39 pm عدل 1 مرات (السبب : تنسيق الموضوع ارجو التنسيق)
    avatar
    مستر احمد زعفان
    الإدارة
    الإدارة

    عدد المساهمات : 1600
    نقاط : 124762
    تاريخ التسجيل : 15/10/2008
    العمر : 37
    العمل/الترفيه : اخصائى صحافة

    trans رد: اوعى تقعد مع جدتك ليلة الامتحان.....؟؟؟

    مُساهمة من طرف مستر احمد زعفان في 21/7/2009, 8:52 am

    موضوع لذيذ ومرح شكرا على النقل




    zizo_mms
    عضو شادد حيله
    عضو شادد حيله

    عدد المساهمات : 234
    نقاط : 106045
    تاريخ التسجيل : 27/05/2009
    العمر : 28

    trans رد: اوعى تقعد مع جدتك ليلة الامتحان.....؟؟؟

    مُساهمة من طرف zizo_mms في 21/7/2009, 4:40 pm

    العفو يامستر اى خدمه
    avatar
    أ علي رزق
    نائب المدير

    عدد المساهمات : 1942
    نقاط : 120997
    تاريخ التسجيل : 09/03/2009
    العمر : 51
    الموقع : http://alitwig.blogspot.com/
    العمل/الترفيه : مدرس أول لغة عربية

    trans رد: اوعى تقعد مع جدتك ليلة الامتحان.....؟؟؟

    مُساهمة من طرف أ علي رزق في 21/7/2009, 9:16 pm

    لو أمكن مراجعة ما ننقله من المنتديات الأخرى
    فننقله بتصرف وذلك بحذف ما لا يليق
    مثل موقف الواد الحليوه المسبب وشتمة " جذمة "
    لكان أفضل
    شكرا لك يا زيزو وأحييك على نشاطك الملحوظ في الفترة الأخيرة

    zizo_mms
    عضو شادد حيله
    عضو شادد حيله

    عدد المساهمات : 234
    نقاط : 106045
    تاريخ التسجيل : 27/05/2009
    العمر : 28

    trans رد: اوعى تقعد مع جدتك ليلة الامتحان.....؟؟؟

    مُساهمة من طرف zizo_mms في 21/7/2009, 10:23 pm

    اشكرك يا مستر على وانا اسفه اذا كان فى حاجه فى الموضوع معجبتكش وهحاول اتخطى الخطاْ المرة الجايه
    avatar
    سندريلا
    مشرفة تحت الإختبار
    مشرفة  تحت الإختبار

    عدد المساهمات : 596
    نقاط : 107255
    تاريخ التسجيل : 11/05/2009
    العمر : 25
    العمل/الترفيه : طالبه

    trans رد: اوعى تقعد مع جدتك ليلة الامتحان.....؟؟؟

    مُساهمة من طرف سندريلا في 21/7/2009, 11:38 pm

    ههههههههههههههههههههه

    جميله انا عن نفسى نسيت الموضوع اوله ايه ههههههههههههه

    شكرا على النقل الجميل

    تقبلى مرورى يا قمر



    avatar
    أ علي رزق
    نائب المدير

    عدد المساهمات : 1942
    نقاط : 120997
    تاريخ التسجيل : 09/03/2009
    العمر : 51
    الموقع : http://alitwig.blogspot.com/
    العمل/الترفيه : مدرس أول لغة عربية

    trans رد: اوعى تقعد مع جدتك ليلة الامتحان.....؟؟؟

    مُساهمة من طرف أ علي رزق في 22/7/2009, 5:41 am

    zizo_mms كتب:اشكرك يا مستر على وانا اسفه اذا كان فى حاجه فى الموضوع معجبتكش وهحاول اتخطى الخطاْ المرة الجايه

    شكرا على تفهمك ، وسعة صدرك للنصيحة

      الوقت/التاريخ الآن هو 18/1/2019, 10:09 am