مدرسة الدكتور ابراهيم مدكور الثانوية

مرحبا بك فى منتدى مدرسة الدكتور ابراهيم مدكور الثانوية المشتركة
عزيزى الزائر معلما فاضلا ... طالبا نجيبا
يسعدنا انضمامك معنا ونتمنى ان تكون واحدا من اسرة
هذا الصرح التعليمي العريق لتستفيد وتفيد


(يا اخى وصلت لحد هنا ومستخسر فينا تسجيلك)

الموضوع اسهل مما تتخيل (خطوتين تسجيل وتكون وسطنا)


ملحوظة هامة جدا

استخدم متصفح فاير فوكس لو معرفتش
تدخل ولو صفحة الموقع بتخرجك
وفى حالة اتمام التسجيل ستصلك رسالة لتنشيط حسابك على الإيميل يرجى الدخول عليها وتنشيط الحساب وفى حالة عدم القدرة على تنشيط الحساب سنقوم بتنشيط حسابك وبمجرد رؤيتك اسم العضوية الخاص بك فى ادنى الصفحة الرئيسية تستطيع الدخول بمنتهى السهولة الى الموقع
مدرسة الدكتور ابراهيم مدكور الثانوية

بوابتك نحو متعة التعلم

 
            
 
 




    عشرين جمله 95% من شباب مصر بيقولوها للبنات

    avatar
    zizo_mms
    عضو شادد حيله
    عضو شادد حيله

    عدد المساهمات : 234
    نقاط : 110515
    تاريخ التسجيل : 27/05/2009
    العمر : 29

    trans عشرين جمله 95% من شباب مصر بيقولوها للبنات

    مُساهمة من طرف zizo_mms في 1/8/2009, 10:44 pm

    حبيبتى انتى عارفه انا مش بحب حركات الشباب الطايش انا اصلا مبكلمش بنات
    (وتلاقيه يعرف طوب الارض )

    2-يااااه ياحبيبتى انا حاسس انى اعرفك من زمان
    (وهوا تلاقيه متلخبط بينها وبين بنت كان يعرفها قبل كده)

    3- حاسس ان فيكى حاجه غريبه غير كل البنات
    (اكنها مثلا بتمشى على ايديها ورجليها )

    4-انا حاسس ان فى شبه كبير بين افكارى و افكارك احنا اكيد
    مخلوقين لبعض
    (اكيد دى البنت رقم 100 اللى بيقولها كده
    وكأًن كل بنات الدنيا مخلوقين عشانه)

    5- حبيبتى انتى اول حب فى حياتى وانا حاسس انى اتولدت يوم ماقبلتك
    (على أساس ان والدته كانت حامل فيه 20 سنه وولدته قبل مايقابلها بيومين )

    6-يااه يا حبيبتى انتى تؤمرى وانا انفذ اللى انتى عايزاه اجبهولك
    (فى المشمش)

    7-حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير
    (طبعا فاهمين الحركات دى تلاقيه مش عاجبه اساسا)

    8-هكلم باباكى اول ماكًون نفسى
    ( سوري في اللفظ ....موووووووووووت يا حمااااااااااار)

    9-عايز اشوفك كل يوم كل ساعه كل ثانيه
    (عشان اصحابه يتأكدو انها حلوه)

    10 حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان (اوووووف الاسطوانه المشروخه)

    11-انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
    (يعنى يا دوب اللى يعرفو اخواته و اصحابه و جرانه وقاريبه وصحاب صحابه.....إلخخخخ)

    12-معلش ياحبيبتى مش هقدر اعدى عليكى بالعربيه النهارده علشان هيا فى التوكيل
    (طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه )

    13- ياحبيبتى انتى بتتكلمى فى أيه انا كل عطورى من فرنسا
    ( ايوه زغلل عنيها ياواد)

    14-ياه لما بشوف رقمك على الموبيل قلبى بيتنفض (طبعا من الخضه انها تكون كشفت ألعابه)

    15-فلان قالى اديله رقمك بس انا قلتله اقتلنى قبل ماتاخد رقها منى
    (ياااااه على التضحيه وهيا ياعينى رقمها مع مخاليق ربنا كلهم)

    16-حبيبتى عايز صورتك عشان قبل مانام اشاهد فى جمالك واحطها تحت المخده
    (لا وهو الصادق عشان لما يتخانقو يهددها بيها)

    17-اسف يا حبيبتى امبارح مقدرتش اكلمك كنت مشغوووول فى المذاكره
    (قصده معهوش فلوس او مشغول مع واحده تانيه)

    18-اسف يا حبيبتى انى مقدرتش اجى فى المعاد امبارح كان عندى ظروف صعبه
    (معزور الولد افتكر معاد البنت التانيه اللى بقاله 3 اسابيع مأجله)

    19-عارفه يا حبيبتى انا طول الليل منمتش قاعد بفكر فيكى
    (بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه ههههههههه)

    20-عارفه يا حبيبتى انا اصلا مش بفتح الماسنجر الا لما بتكونى موجوده اصلا النت من غيرك ما يسواش
    (يقصد مش بيفتح البلوك عنها الا اما تكون هيا بس الى اون لين عنده)

    عشر جمل جداد الولد بيقولهم للبنت بس لما يزهق منها وينفصل عنها لما يشوف واحده احلى منها

    1- حبيبتى انا ماستهلكيش
    ( وهوا ده حال الدنيا , الولد بيضحى علشان الدكتور قالوه هاتموت الاسبوع الى جاى فمش لازم يعذبها معاه )

    2- انا بعمل كده علشانك انتى
    ( ايوه ماحنا عارفين باباها قالو لو ماسبتهاش هاحرمها من الميراث )

    3- انا هسيبك علشان مش عاوز اى حد يتكلم عليكى نص كلمه
    ( ياراجل وانت لسه فاكر دلوقتى مالبنت اتشحورت والحمد لله بسببك وخلاص الى حصل حصل)

    4- انا مش عاوزك تزعلى مينى
    (يارااااجل وانت لما تسبها هاتعمل فرح وتدبح معزتين يعنى ؟!لا والله هاتزغرد لولولولى الواد سابنى انا فرحانه )

    5- انا هاهاجر ومش عارف هرجع امتا
    (طب ماتخدها معاك ياكابتن ولا هيا حجج وخلاص)

    6- أنا منفعش ارتبط بواحده مشيت معاها
    (ياراجل ان شاء الله ربنا هيكرمك وترتبط بوحده مشيت مع نص شباب شبرا ومصر القديمه كمان )

    7- انتى احسن حد عرفته فى حياتى بس مش هينفع نكمل
    ( ترد هيا بقى وهيا بتعيط ئهئ ئهئ ئهئ ليه ليه ليه .. يقولها علشان خطرى انا ماستحملش دموعك ... وبرده مايقولهاش)

    8- انتى اكتر حد حبيته فى حياتى بس برده زى ماقولتلك مش هينفع نكمل
    (لا تعليق)

    9- حبيبتى انا اكتشفت ان مفيش مابينا حاجه متشابهه
    (لأ بجد....بألو سنتين ماشى معاها وبعدين لسه مكتشفش ده , الظاهر عليه كان بيكتشف مقبرة جديده فى اسوان ولا حاجه)ههههههه
    0- والله ياحببتى انا مش وحش وبلعب بمشاعر البنات زى مانتى فاكرة بس هوا ده نصيبنا
    (لا ماهو واضح)

    ههههههههه بجد حركاتهم واضحه جدا وبايخه اوي

    م
    ن
    ف
    و
    ل


    عدل سابقا من قبل سندريلا في 18/5/2010, 6:33 pm عدل 1 مرات (السبب : نرجو تنسيق الموضوعات)
    avatar
    مستر أحمد جمعة
    مشرف
    مشرف

    عدد المساهمات : 924
    نقاط : 111953
    تاريخ التسجيل : 11/05/2009
    العمل/الترفيه : مدرس لغة عربية

    trans رد: عشرين جمله 95% من شباب مصر بيقولوها للبنات

    مُساهمة من طرف مستر أحمد جمعة في 1/8/2009, 10:50 pm

    الأنسب أن تقولى أن 95% من البنات بتسمعها من الشباب
    لأن البنت وحدها تستطيع أن تكون من الـ 95% أو تكون من الـ 5% الاخرين
    الشبرمنتاوي
    الشبرمنتاوي
    مشرف
    مشرف

    عدد المساهمات : 650
    نقاط : 111460
    تاريخ التسجيل : 14/05/2009
    العمر : 26

    trans رد: عشرين جمله 95% من شباب مصر بيقولوها للبنات

    مُساهمة من طرف الشبرمنتاوي في 1/8/2009, 10:54 pm

    صح يا مستر
    الرك علي البنات
    avatar
    zizo_mms
    عضو شادد حيله
    عضو شادد حيله

    عدد المساهمات : 234
    نقاط : 110515
    تاريخ التسجيل : 27/05/2009
    العمر : 29

    trans رد: عشرين جمله 95% من شباب مصر بيقولوها للبنات

    مُساهمة من طرف zizo_mms في 1/8/2009, 10:59 pm

    يا سلام على كدة الشباب مش كذابه ممكن تقول البنات مخدوعه
    avatar
    مستر أحمد جمعة
    مشرف
    مشرف

    عدد المساهمات : 924
    نقاط : 111953
    تاريخ التسجيل : 11/05/2009
    العمل/الترفيه : مدرس لغة عربية

    trans رد: عشرين جمله 95% من شباب مصر بيقولوها للبنات

    مُساهمة من طرف مستر أحمد جمعة في 2/8/2009, 7:22 pm

    zizo_mms كتب:يا سلام على كدة الشباب مش كذابه ممكن تقول البنات مخدوعه

    البنات أحيانا تحب أن تكون مخدوعة
    avatar
    zizo_mms
    عضو شادد حيله
    عضو شادد حيله

    عدد المساهمات : 234
    نقاط : 110515
    تاريخ التسجيل : 27/05/2009
    العمر : 29

    trans رد: عشرين جمله 95% من شباب مصر بيقولوها للبنات

    مُساهمة من طرف zizo_mms في 2/8/2009, 10:08 pm

    انا بردو مش متفقه معاك لان اغلب الحالات بتكون مخدوعه ومش بمزاجها واكيد انت شفت الحالات دى يعنى الرك مش على البنات فقط بردو الشباب ليها نصيب وكبير كمان
    avatar
    مستر أحمد جمعة
    مشرف
    مشرف

    عدد المساهمات : 924
    نقاط : 111953
    تاريخ التسجيل : 11/05/2009
    العمل/الترفيه : مدرس لغة عربية

    trans رد: عشرين جمله 95% من شباب مصر بيقولوها للبنات

    مُساهمة من طرف مستر أحمد جمعة في 3/8/2009, 10:58 am

    الرك على الأب والأم
    وأى بنت يجب أن تقدم سوء الظن فى حوارها مع أى ولد

    حفظك الله وباقى بناتنا
    avatar
    zizo_mms
    عضو شادد حيله
    عضو شادد حيله

    عدد المساهمات : 234
    نقاط : 110515
    تاريخ التسجيل : 27/05/2009
    العمر : 29

    trans رد: عشرين جمله 95% من شباب مصر بيقولوها للبنات

    مُساهمة من طرف zizo_mms في 3/8/2009, 12:30 pm

    معاك حق فى الموضوع دة ويارب يحفظنا جميعا من الوقوع فى المشاكل
    avatar
    senior mahmoud
    مشرف قسم اللغة الاسبانية
    مشرف قسم اللغة الاسبانية

    عدد المساهمات : 9
    نقاط : 99559
    تاريخ التسجيل : 16/05/2010
    العمر : 33
    العمل/الترفيه : مدرس لغة اسبانية

    trans رد: عشرين جمله 95% من شباب مصر بيقولوها للبنات

    مُساهمة من طرف senior mahmoud في 16/5/2010, 11:13 am

    الاصح ان نحسن الظن بالله فى الاخرين واساسا لاتوجد علاقة من اى نوع بين الولد والبنت الا فى حدود الشرع وحفظ الله بناتنا وشبابنا من هذه الفتن

      الوقت/التاريخ الآن هو 16/6/2019, 7:13 pm